L’avenimen dóu Felibrige en 1854 fara dato, veira espeli de voucacioun e refourtira li mantenèire de la lengo prouvençalo.
Aguste CHABAUD, que lou mounde entié counèis coume un grand mèstre dóu fauvisme, es tambèn d’aquéli Prouvençau que fugueron pivela pèr l’obro de Frederi MISTRAL e que vougueron apoundre sa peiro à la mount-joio que s’aubouravo. L’artisto universau èro peréu de soun païs, Gravesoun, ounte despièi, nous dis la legendo, lou troubaire Catelan, li gent manejon sa lengo emé fierta. Senso agué li qualita di grand mèstre, la pouësio e la proso di Gravesounen saran e soun encaro vuei lou temouniage de l’enavans d’aquéu mouvamen literàri.
Edicioun CREDD’O
